Кефсуз халади явашдиз гьаятдин рак ахъайна. Рекьяй къвез­вай духтур акуна адаз: — Чан дидеди — ин, ам вун яни? Ажеб хьана вун инал акуна. Ке­фи­яр авач, бала. Заз ви патав духтурханадиз къвез кIанза­вайди тир.

— Хала, чан хала, къе киш югъни я, зун чарасуз фена кIан­завай чкани  ава. Вун ислен юкъуз ша ман.

— Ву-ув, ислен юкъу-уз? Ислен йикъалди зун хъсан хьайи­тIа вучда, бала?

* * *

Темпел хци цIийи ктаб къачунва.

— Вуч ктаб я? — хабар кьазва бубади.

— ГьикI алудда кагьулвал? — лугьузва хци. Фена са варз. Бубади мад рикIел хкизва:

— Гьан, чир хьанани, темпел, гьикI алуддатIа кагьулвал?

— Чида-ач! Гьеле кIелна куьтягьнавач.

* * *

“Пятар” хъиягъунал рикI алай кефчиди къуншидиз лу­гьузва:

— Ви кефияр авайди хьиз аквадач хьи, вуч хьанва?

— Кьил элкъвезва.

— Гьинихъ элкъвезва?

— ГьикI акъвазайтIани, кьил “Гастрономдихъ” элкъвезва.

* * *

Ивидин гьерекат алцумзавай духтурди лугьузва:

— Ви кIвалахзавай гъил гьим я?

— За кьве гъиливни кIвалах­за­вайди я!

— Йугь! Вун хьтин зарбачиярни­ авайди яни?! Вуч кIвалах я види?

— Тарашчи я ам, — лугьузва къвалахъ галайда.

* * *

Чакъалди минетар ийизва СикIрез: — Къунши, чан аламай верчни гуда, а ви сикIвилин сир лагь туIн заз.

— Гьиканва, авамдай кьазвани?! Сир вав вугайла, закай вучда сикI хьана?!

Нурудин Насруллаев