Дагъларин уьлкведа, Россияда хьиз, адалай къецени машгьур спортсменрикай сад тир Жабар Аскерова алай йисан 5-августдиз Австралиядин Мельбурн шегьерда Жонатан Тухудихъ галаз ММА-дин къайдайрай кьиле тухудай бягьсина нубатдин сеферда вичин устадвал къалурда.
Инал рикIел хкун кутугнава: Жонатан Тухудихъ галаз чи ватанэгьли 2019-йисан декабрдиз бягьсиниз экъечIнай. Амма а чIавуз спортсменри кикбоксингдай чпин устадвал къалурнай. ИкI, “Alpfa fight stries” (“AFS”) лишандик кваз кьиле фейи турнирдин са шумуд раунддикай ибарат тир кьилин бягьсина чи ватандашдиз Ж.Туху вахт амаз ва технический нокаутдалди кумукьнай. Жабар Аскерова “AFS”-дин чIул къазанмишнай.
РикIел хкин: Жабар Аскерова пешекарвилин спортда вири санлай 120-дав агакьна бягьсер кьиле тухвана. Абурукай 85-далай виниз бягьсера (42 бягьс — нокаутдалди акьалтIарна) гъалибвал къазанмишна.
Чи мухбир
