Дагъустанда хуьруьн майишатдал машгъулбуру чпи гьасилзавай продуктар Россиядин базарриз акъудиз эгечlнава. Икl, Мегьарамдхуьруьн районди Тосненский райондихъ галаз виликамаз кутlуннавай икьрардин бинедаллаз Мегьарамдхуьряй Тосненский райондиз (Ленинградский область) картуфар ракъурзава.
Мегьарамдхуьруьн райондин Къличханрин хуьруьн сергьятра «Гранит» СПК-ди фад битмиш жедай хъсан сортунин картуфар кlватl хъувунин кlвалахар кьиле физва. Къейд ийин, кьве райондин арада кут1уннавай икьрар себеб яз спортдин, медениятдин, хуьруьн майишатдин ва маса хилерани кьве терефдизни менфятлу крар кьилиз акъудзава. Стхавилин алакъаяр тешкилуниз талукь тир документ 2016-йисан августдиз къулар чlугуна тестикьарнай. Ихьтин хъсан алакъаяр гележегда мадни мягькемардайвал я.
«Лезги газет»
