“Лезги газетдиз” Мегьарамдхуьруьн райондин администрациядин пресс-къуллугъди хабар гайивал, Гилийрин хуьре къелемлух арадал гъанва­.

Ам райондин кьилевайбурун буйругъдалди ва администрациядин хуьруьн майишатдин отделдин куьмекдалди Гилийрин хуьре Фейзуддин Ибрагьимован майишатда кардик кутунва. Инай ичерин, чуьхверрин, машмашрин, хутарин, чIулав цIирицIрин ва маса емишрин къелемар маса къачуз жеда.

Алай вахтунда виш агъзурдалай виниз къелемар ава. Абурун ери хъсанарун патал Краснодардин илимдинни ахтармишунрин институтдихъ галаз санал тайин кIвалах кьиле тухванва. Ина маса гузвай надир къелемарни ава. Месела, “ЧIулав шагьзада” лугьудай чIулав машмашрин, “Анжелика” тIвар алай ичерин ва масабур.

Къелемар маса къачуз кIанзавайбурувай райондин администрациядин хуьруьн майишатдин управленидиз (нумра — 8-967-740-24-44) ва я Фейзуддин Ибрагьимоваз (нумра — 8-928-835-35-44) зенг ийиз жеда.

«Лезги газет»