Мегьарамдхуьруьн районда “Дагпечать” ГАУ-дин киоск ачух хьанва. Ам Мегьарамдхуьре, культурадин кIвалин патав, рекьин къерехда (Ленинан куьче, 9) эцигнава.
Киоскди ислен, киш йикъара сятдин 8-далай 12-далди, саласа, арбе, хемис, жуьмя йикъара экуьнин сятдин 8-далай 18-далди кIвалахзава.
Чна виликдайни хабар гайивал, почтадин отделенийрилай тафаватлу яз, “Дагпечатдин” киоскдай газетар, журналар ужуз къиметрай кхьиз жеда. Месела, 2019-йис патал “Лезги газет” почтадин отделенидай кхьинин къимет 854 манат ятIа, киоскдай 456 манатдихъ кхьиз жеда. Киоскдай кхьейбуру изданияр гьа киоскдай чпи вахчуна кIанда.
Са гафуналди, гила Мегьарамдхуьруьн райондин агьалийрихъ чпин рикI алай изданияр гьам почтадин отделенийрай, гьамни “Дагпечатдин” киоскдай кхьидай мумкинвал хьанва.
РикIел хкин, алатай йисуз киоск Сулейман-Стальский райондани ачухнай. Ам Кьасумхуьрел “Терсепул” базардин, “Все для дома” туьквендин патав гва.
«Лезги газет»
