Квез чидани?
. Алим Менделеев неинки химик, гьакI энциклопедийрин изданийриз макъалаяр кхьизвай авторни тир.
. Ньютон зурба алим тир, амма адалай вичихъ авай чирвилерай студентриз тарсар гуз алакьнач. Тринити-колледжда лектор яз кIвалахал акъвазайла, адан тарсара саки вири студентар ксузвай.
. Ньютон лордрин Палатадин векилрикай сад тир, ада вири заседанийра иштиракдай, амма анрал ам гьич рахадачир. Сад лагьай сеферда яз ада заседанидал ихьтин гафар лагьана: «Жанабияр, тавакъу хьурай, дакIар кIева, гар гьатзава. Заз мекьи жез кичIеда».
. Фонограф ва лампа арадал гъайиди тир Томас Эдисона вертолет туькIуьрунин жигьетдайни тежрибаяр тухвана. Вертолетда кудай затIунин еринда барут ишлемишун кьетIнавай. Амма, тежрибаяр тухудайла, са шумудра еке хъиткьинунар хьуникди адан фабрикадизни зарар хьанай. Алим вичин тежрибаяр акъвазаруниз мажбур хьана.
. Вичихъ еке агалкьунар хьайи америкави алим Томас Эдисона фил токдив яна кьенай.
. Алим Никола Тесла «3» рекъемдив ажайиб жуьреда эгечIзавай. Мисал яз, кIвализ гьахьдалди вилик ам пуд сеферда адал элкъвезвай.
. Алим-химик Мери 19-асирда а кардалди машгьур хьана хьи, ада инсандин ивидик ракь квайди тестикьарна.
. Альберт Эйнштейна, 1930-йисуз США-диз фейила, автографар анжах пулунихъ гузвай. Арадал атай такьатар ада мергьяматлувилин крарин рекье харжна.
«Лезги газет»
