Улакьрин техосмотр
2022-йисалай хсуси улакь патал техосмотр хьун бязи дуьшуьшра чарасуз тушиз гьисабнава. Хсуси автомобилрин сагьибри гила диагностикадин картаяр туькIуьрунин лазимвал авач. Идакай чаз РД-дин МФЦ-дин кьилин идаради хабар гана.
Эгер техосмотр чарасуз ятIа (месела, такси ва я къуллугъдин машин патал), и кар вахтунда кьилиз акъудна кIанда. Акси дуьшуьшда жерме къвезва. 1-мартдилай и жермедин кьадар 2000 манат хьанва. Яваш-яваш и жермеяр камерайрин делилрал асаслу яз тайинарда.
Пешекарри къейдзавайвал, техосмотр авачир улакьрин сагьибар са суткадин къене са сефердилай артух тушиз жерме ийидай ихтияр ава.
Аялрин бахчайриз талукь яз
РД-дин МФЦ-дин кьилин идаради мадни хабар гузвайвал, 1-мартдилай аялар бахчайриз ва мектебриз тайинарун патал герек документрин сиягь дегиш хьанва.
Стхайри ва я вахари, чирвилер къачузвай идарадиз кьезилвилерикай (льгота) менфят къачуналди, нубатдин аял тайинардайла, ам дидедиз хьайивилин гьакъиндай шагьадатнама сиягьдихъ гилиг хъувун бес жеда. Аялар са хизанда ва са чкада яшамиш хьун-тахьун шартI туш. Кьилди къачуртIа, аял бахчадиз тайинардайла, медицинадиз талукь документ (заключение) истемишдач. Яни гила са жерге духтуррин кьилив фин ва медкарта ацIурун герек яз амукьзавач.
Са кар ава: эгер аялрин бахча сагъламвал мягькемаруниз талукь махсусди ятIа, и дуьшуьшда медицинадин чарар-цIарар герек жеда.
«Лезги газет»
