20-26-июндиз Цмуррин мектебда кIелзавай аялрин дестеди муаллимар тир Шамсият Ханвердиевадин ва Румина Ягъибеговадин регьбервилик кваз, аяларни жаванар патал арадал гъанвай «Мергьяматлувилин тIатIилар» медениятдинни образованидин проектда иштиракна. Идакай «Лезги газетдиз» Сулейман-Стальский райондин администрациядин пресс-къуллугъди хабар гузва.
Проектдин сергьятра аваз «Россиядин луварик» тIвар алай Россиядин мергьяматлувилин тешкилатдин куьмекдалди иштиракчийриз Москва шегьерда итижлу ва менфятлу экскурсия тешкилна.
Аялар меркезда авай тамашуниз лайих тир хейлин чкайриз фена. Къейдна кIанда хьи, Цмуррин мектебда кIелзавай аялар патал экскурсия тешкилайди ва къаюмвал авурди меценат Марат Шайдаевни Евгения Шайдаева я.
«Лезги газет»
