Марат Алияров, РД-дин Халкьдин Собранидин депутат, промышленностдин, ЖКХ-дин, транспортдин ва рекьерин майишатдин Комитетдин член:
“Сергей Меликов вичин Чарче чи региондин уьмуьрдин саки вири хилерикай рахана: экономикадикай, здравоохраненидикай, демографиядикай, образованидикай, эцигунрикай, туризмдикай…
Заз эцигунрин хел ва туризм вилик тухунин жигьетдай Сергей Меликова лагьай гафариз баянар гуз кIанзава. Зун Дагъустандин Кьилихъ галаз рази я: эцигунрин хел комплекснидаказ вилик фин лазим я. Акахьайвал эцигунар кьиле тухунал эхир эцигна кIанда.
Туризмдикай рахайтIа, ам республикадин экономикадинни яшайишдин кар алай хилерикай сад я ва эхиримжи йисара Дагъустандин бюджетдиз алава такьатар гъизвай чешмедиз элкъвенва. Гьавиляй туризмдиз Сергей Меликован Чарчени кьетIен фикир ганва. Ада къейд авурвал, гьуьл чи кьилин девлетрикай сад я. Гьина гьуьл аватIа, гьана агьваллувални жеда. Зи фикирдалди, и кардикай чна менфят къачуна кIанда.
Туризмдин хел вилик фин неинки са тIебиатдин ресурсар хьунилай, гьакIни и хиле кIвалахзавайбурун пешекарвилелай, туризмди арадал гъизвай такьатар менфятлудаказ ишлемишунилайни аслу я.
Зи фикирдалди, Дагъустандин Кьилин Чарче къейднавай виридалайни важиблу месэлайрикай сад чкадин агьалийрин яшайишдин шартIар хъсанарун я. И месэлади ам гьялунин рекье чун вири сад ийизва”.
«Лезги газет»
