Квез чидани?
Марабу гьажилеглегрин килфетдик акатзавай ажайиб къушарикай я. И къушран тIвар араб чIалахъ галаз алакъалу я. Арабри ам камаллу къуш яз гьисабзава. Адан яргъивал 110-150 сантиметрдикай ибарат жеда. Марабудин бедендин винел пад ва лувар чIулав рангунинбур я, агъа пад – лацу. КьецIил келле, еке ва яцIу кIуф ава. ЧIехи къушарин хурудик куьрс хьанвай хамунин шешел хьтинди жеда. Марабуяр еке лужаралди яшамиш жеда.
Марабуйри лешер, хъипер, гьашаратар, жегьил куьлуь къушар, хурлинкIар ва кьифер неда. Адавай гьатта крокодилдин шарагарни, какаярни нез жеда.
Марабуяр пуд жуьрединбур ава: Яванский, Индиядин ва Африкадин. Абур Кьиблепатан Азияда, Сахара къумлухдин кьиблепатани яшамиш жезва. Са бязи чешмейрин делилралди, Яванский марабуяр михьиз терг хьанва.
«ЛГ»
