Аламатдин дуьнья я, инсан дидедин бедендикай шелдин ван кьиллелаз хкатзава, эхиримжи сефердизни ам шелдин ванцелди рекье хутазва.
Гьайиф хьи, инсандиз вичин синихар вичин вилералди ваъ, масадан вилералди аквада.
Къалгъанар ягъиз къецIил кIвачер гваз фин хъсан туш.
Бахтни бахтсузвал чеб чпелай къведач, вуна эвер тавуртIа.
Гьар са касди масадан чин ваъ, вичин чин чуьхвейтIа, чун вири михьи жеда.
Хъсан крар ийиз агъзур югъ тIимил я, пис крар ийиз са югъ — гзаф.
Гьуьлуьн цяй цав аквазвай касдиз цавай балугъарни аватиз аквада.
Гьикьван гзаф чирвилер хьайитIа, гьакьван гзаф бахтни ваз хъуьреда.
Балугъчидин чилина гьат тавур балугъ гьамиша екеди жеда.
Заз и дуьнья мичIи я лугьуз арзаяр ийидалди, са шеминиз цIай ягъайтIа , ада экуьвал гуда.
ЦIун ялавар чарар вегьена чуьнуьхариз жедач!
Лампади кIвал экуь ийида, ктабри — рикI.
Рагъ я абур гъайиди цавал,
КIвалин абур — гъвечIи аял.
Инсандин чин экуь вахтунда аквада, къилих — мичIи вахтунда.
КIанивал авай кума женнетдин багъдихъ галаз дегишариз жедач.
Бахтуни вичихъ галаз маса бахтар гъидач, амма бахтсузвал садрани кьилди къведач.
Са гъвечIи сабурсузвили чIехи мурадар чукIурда.
Вуна садан япал лагьай гаф агъзур терефдихъ фида.
Чи мурадар аялар хьиз я, абуру шадар авун патал хъсандиз гелкъуьн герек я.
Къван хьтин рикI авайдаз масадан рикIикай хабар жедач.
Писвилиз хъсанвилелди жаваб гуз чир хьун чIехи устадвал я.
РикIин мурадар буржар яз гьисабзавай касдивай уьмуьрдин буржар регьятдиз вахкуз жеда.
Чизва заз, кIанивал я чими гатфар.
Ам гьихьтин гатфар хьуй, такъвайла марфар.
Гуьлжагьан Мисриханова
