Кьурагь райондин образованидин идарайра РД-дин Кьил В.Васильеван Чар веревирдунин мярекатар кьиле фена. Идакай «Лезги газетдиз» райадминистрациядин пресс-къуллугъди хабар гузва.

Ана райондин образованидин отделдин начальник Р.Катибова, и отделдин работникри, бухгалтерри, муаллимри ва масабуру иштиракна.

Веревирдерин вахтунда къейд авурвал, Владимир Васильева РД-дин Халкьдин Собранидиз ракъурнавай Чарче республикадин ватандашрин тIал алай месэлайриз, гьа жергедай яз ерилу образованидизни кьетIен фикир ганва.

Малум хьайивал, регион «Образование» милли проект уьмуьрдиз кечирмишунив эгечIнава. Проект умуми ва юкьван образование, аялринни жегьилрин бажарагъ вилик тухунихъ, цIийи несилдин инсанар уьлкведин кьисметдин жавабдарвал хиве кьаз жедай алакьунар авай ватандашар хьиз тербияламишунихъ галаз алакъалу я.

«Лезги газет»