Махачкъаладин аэропортунин пресс-къуллугъди хабар гузвайвал, 15-мартдилай Да­гъустандин меркездинни Бакудин арада ­самолетрин гьерекат кардик акатнава. Чкадилай чкадал кьван (яни арада алава акъвазун авачиз) тешкилзавай и рейсер “Embraer 190” самолетра аваз гьафтеда пуд юкъуз кьиле физва: ислен, арбе ва жуьмя йикъара.

Рейсерин вахтар ихьтинбур я: самолет Ма­хачкъаладай йифен сятдин 11-даз (23:00 — Москвадин вахтуналди) экъечIда ва йифен сятдин 1 жез 10 декьикьа амаз (00:50 — Бакудин вахтуналди), Азербайжандин меркезда жеда. Гьа икI, рекье самолетди 50 декьикьада лув гуда.

Бакудай лагьайтIа, самолет чкадин ­вах­туналди йифен сятдин 10-даз (22:00) экъечI­да ва Махачкъалада йифен сятдин 10-даз (22:00 — Москвадин вахтуналди) жеда. Рекье самолетди са сятда лув гуда.

Къейд ийин хьи, Бакудинни Махачкъаладин вахтарин арада тафават ава. Аквазвайвал, къунши уьлкведа вахт са сятдин вилик ква.

Чи мухбир