И йикъара Сулейман-Стальский райондин КЦСОН-дин дараматда и центрада реабилитациядин курс кьиле тухузвай аялрихъ галаз ММА-дай дуьньядин чемпион Надим Гьуьсенбеговахъ галаз гуьруьш кьиле фена.

«Лезги газетдиз» райондин администрациядин пресс-къуллугъди хабар гузвайвал, мярекат аялар спортдал желб авунин, сагълам уьмуьрдин таблигъат тухунин макьсаддалди тешкилна. Чемпионди аялриз спортдин рекье вичи сифте къачур гъалибвилерикай, наградайрикай ихтилатна. Аялри чемпиондивай тренировкаяр гьикI кьиле физватIа, азад вахтунда ам квел машгъул ятIа хабарар кьуна.

Аялри гайи жуьреба-жуьре суалриз Н.Гьуьсенбегова жавабар гана. Эхирдай и шад гуьруьш рикIел аламукьун патал шикилни яна.

«Лезги газет»