“Лезги газетдиз” Дагъустандин писателрин Союздай хабар гайивал, алай йисан 4-декабрдиз Махачкъалада, Урусрин драмтеатрдин чIехи залда, Дагъларин уьлкведин эдебиятдин классик Етим Эминан 180 йисан юбилейдиз талукьарнавай межлис кьиле фида. Нянин сятдин вадаз (17:00) гатIундай и мярекатдин тешкилатчияр РД-дин Гьукумат, культурадин министерство ва Дагъустандин писателрин Союз я.
ЧIехи шаирдин юбилейдиз талукьарнавай мярекатда милли шииратдал ва Етим Эминан ирсинал рикI алай гьар са ватанэгьлидивай иштиракиз жеда.
«Лезги газет»
