Лезгийрин бажарагълу шаир, республикада сейли критик ва публицист, филологиядин илимрин кандидат Халидин Эльдароваз РД-дин образованидин ва илимдин министр Шахабас Шахован приказдал асаслу яз, «Дагъустан Республикадин образованидин отличник» хурудал алкIурдай знак ганва. Идакай Махачкъаладин гуманитарно-педагогвилин колледждин пресс-къуллугъди хабар гузва.
Халидин Эльдарова образованидин хиле зегьмет чIугваз гзаф йисар я. Алай вахтунда алимди Махачкъаладин гуманитарно-педагогвилин колледжда муаллим, республикадин меркездин 56-нумрадин мектебда директордин заместитель яз кIвалахзава.
«Лезги газетдин» редакциядин коллективди чи къелемдин юлдашдиз, бажарагълу шаирдиз, кар алакьдай тешкилатчидиз агалкьун тебрикзава ва Аллагьдивай гележегда алимдихъ мадни еке кукIушар муьтIуьгъардай мумкинвилер хьун тIалабзава.
«Лезги газет»
