— Либерия Республика РагъакIидай патан Африкада ава. Уьлкведин меркез Монровия я.
— Либериядин умуми майдан 111369 квадратный километрдикай ибарат я. Ана 4 миллионни зуралай виниз инсанар яшамиш жезва.
— Уьлкведа ингилис чIал кьилинди я.
— “Либерия” гафунихъ “азадвилин чил” мана ава.
— 1847-йисуз масанрай куьч хьана атайбуру Либерия тIвар алай государство тешкилна. Либериядин аслу туширвал сифте нубатда тестикьарай уьлкве Россия я — и кар 1850-йисуз кьиле фена.
— Международный Робертсфилд аэропорт меркездивай 60 километрдин яргъа ава.
— Либерияда авай ракьун рекьер (умуми яргъивал — 515 километр) къецепатан тешкилатри ракьун руда тухун патал туькIуьрнава.
— Либериядин экономика 1980-йисуз кьиле фейи гражданский дяведин нетижада зайиф хьана ва къенин юкъузни ам тамамдиз пайгардик ахкатнавач.
— Къиметлу металлралди девлетлу уьлкве ятIани, Либерияда абур хкудна чара уьлквейриз маса гузвач. Пешекарри къейдзавайвал, чкадин агьалийри кесибвиляй экъечIдай мумкинвиликай менфят къачузвач.
— Либериядин шегьеррин базаррай кIарасдикай ва я гьайванрин кIарабдикайни хамуникай туькIуьрнавай итижлу ядигарар маса къачуз жеда.
— Либериядин мулкара авай тропикрин тамара къиметлу жинсерин тарар ава. Сапо тIвар алай милли парк надир ва ламуди я. Кьеж квай мулк тирвиляй и паркунин чIехи паюник инсандин кIвач хкIунвач.
— И уьлкведа филер, лекьенар, жуьреба-жуьре миргер, куьруь бегемотар, чIулав гамишар, япар еке вакIар ва хейлин маса гьайванар ава.
— Африкада Либерия кесибвилин жигьетдай 3-чкадал алай уьлкве я.
«Лезги газет»
