Алидхуьр Арагъ вацIун эрчIи пата ава. Къуншидал Агъа Арагъ, Кьасумхуьр ала. И хуьр Тимуран, Надир шагьдин ва маса чапхунчийрин гьужумринни гьерекатрин шагьид хьана. Фикир желбдай делилрикай сад ам я хьи, хуьруьн патав албан алфавитдин гьарфаралди кхьинар авунвай сурун къванер (гуьмбетар) дуьздал акъатнавай лап куьгьне сурар гва.
1937-1938-йисара чкадин агьалияр чпин мулкарин агъада авай паюниз куьч хьана ва ана, Кьурагь вацIни Рычал (Цмур) вацI сад-садал гьалтзавай чкадин мукьув, цIийи хуьр кутуна.
Къенин юкъуз Алидхуьр СтIал Сулейманан райондин чIехи ва вилик физвай хуьрерикай сад я.
Мурад Мегьамедкеримован «СтIал Сулейманан район: тарихдин гелерай» ктабдай.
«Лезги газет»
