Ахцегь райондин Цуругърин хуьр. Самур вацIун чапла пата экIя хьанвай ам Лезгистандин къадим хуьрерикай сад я. ТIвар «цур», «цыр» гафуникай арадал атанва. Виликдай ина цурун, къелечивилин, яракьар гьазурунин сеняткарвилер вилик фенвай. Хуьруьн тIвар арадал атуниз талукь маса фикирарни ава.
Цуругърихъ сур тарих авайди хуьруьн мулкарилай жагъанвай XI-XII виш йисариз талукь эпиграфикадин чешмейри шагьидвалзава.
Публицист Дашдемир Шерифалиева Ахцегь райондикай кхьенвай ктабда гьатнавай делилрай якъин жезвайвал, алай вахтунда Цуругърин хуьруьн агьалийрин кьадар 2000-дав агакьзава. Тюмендин областдин Радужный шегьерда 200-далай виниз цуругъвийрин хизанар яшамиш жезва.
«Лезги газет»
