“Лезги газет” зи чан я, зи рикI я!

Ам галачтIа, зун пашман, гъарикI я.

“Лезги газет” зи шадвал, зи хъвер я,

Чи садвал я, чи ачух сегьер я!

 

Зи нефес я, зи мирес, зи дуст я,

Зи хуш сес я, чи элдин намус я.

Гьам кIвале, гьам рекье заз юлдаш я,

Зи хизандин, зи рикIин сирдаш я.

 

Дагъларайни, дуьзенрай хабарар

Гъизва дуьзбур, негь ийиз  тапарар.

Миграгъани, Къурушдал, Ахцегьа,

Дербентдани, Шабранда, КцIара…

 

Мугьман я ам, уртах я суфрайриз,

Тариф ийиз чи лезги сунайрин,

Игитринни, агъсакъал бубайрин.

Лезгидин ам къулавай цIелхем  я.

Чи багъдин сагъ, умудлу къелем я.

 

Кхьида за, къачуда къадрани!

Зун вакай гьич икрагь туш садрани!

“Лезги газет”, зи гъиле сирдаш яз,

Гьам кIвале, гьам рекье заз юлдаш я!

Нариман Къарибов