Алай йисан 23-мартдиз «Лезги газетдин» редакциядини мергьяматлувилин “ЛЕКИ” фондуни Сулейман-Стальский райондин администрациядин куьмекдалди Эминхуьруьн юкьван мектебда 11-классра кIелзавай аялрин арада лезги чIалай олимпиада кьиле тухуда.

Олимпиадада гьар са мектебдай анжах 1 аялдиз иштиракдай ихтияр ава. Мисал яз, эгер са районда юкьван 15 мектеб аватIа, а райондай олимпиадада анжах 15 аялдивай иштиракиз жеда.

Гъалибчияр яз 5 кас хкяда: 1-чка кьунай — 15, 2-чка — 10, 3-чка — 8, 4-чка — 5, 5-чка — 4 агъзур манат пул гуда. Пулдин пишкешрилай гъейри, кIвенкIвечи чкаяр кьурбурув газетдин редакциядинни фондунин патай дипломар, савкьатар ва лезги писателрин ктабар вахкуда. Дипломриз ва пулдин пишкешриз гъалибчийрин муаллимарни лайихлу жеда.

Олимпиада экуьнин сятдин 10-даз гатIунда. Мярекатда лезги халкьдин машгьур шаирри, алимри, жемиятдин векилри иштиракдайвал я. Суалар пайда хьайитIа, телефондин 8-967-7777-320 нумрадиз зенг авуртIа жеда.

Тешкилатчияр