22-октябрдиз Мегьарамдхуьре футболдай Дагъустандин чемпионатдин 15-турда “Леки” ва “Каспийскдин УОР” командайрин арада кьиле фейи къугъун  4:0  гьисабдалди акьалтIна. Нетижада “Леки” турнирдин таблицада кIвенкIвечи чкадал хкаж хьана. 

Тамам 5 йис идалай вилик “Леки” командади къазанмишай агалкьунрикай сад зи фикирда къенин юкъузни хъсандиз ама: а  чIавуз Каспийскдин Олимпиададин резервдин училищедин (УОР) командадихъ галаз кьиле фейи къугъун 5:0 гьисабдалди акьалтIнай. “Леки” команда вахт амаз (досрочно) Дагъустандин чемпионвилин тIвар­цIиз лайихлу хьанай.

«Лезги газет»