Квез чидани?
. Лаос Азиядин уьлкве я, меркез — Вьентьян.
. Лаосдин умуми майдан 236800 кв. километрдикай ибарат я. И уьлкведа 7 миллионни 750 агъзурдав агакьна инсанар яшамиш жезва.
. Лаосдин къерехрив гьуьл гвач.
. Лаос чIалан вири гафар са гьижадикай ибарат я.
. Лаосда недай хсуси суьрсетар саки авач — гзаф затIар къуншидаллай уьлквейрай гъизва.
. Вьетнамдин дяведилай инихъ Лаосда хатасуз тахвунвай минаяр ама.
И уьлкведин анжах 6-7 процент рекьера къир цанва.
. Лаосдин бязи хуьрера исятдани электричество авач.
. Лаосдин хуьрерин агьалийри агъу квай гъуьлягъар тергзава.
. Лаосдин пул кип я. Чкадин пул уьлкведилай къецепатаз акъудун къадагъа авунва.
. 1893-1949-йисара Лаос Франциядин колония тир. 1949-йисуз аслу тушир уьлкве хьуникди Лаосда пачагьлугъ арадал атана. Гуьгъуьнлай пачагь коммунистри тахтунай вегьена.
. Лаосда авай Кхон чарчар дуьньяда виридалайни гьяркьуьди я. Адан гьяркьуьвилел 10 километр ала.
. Лаосдин гзаф агьалияр буддистар я.
. И уьлкведа виридалайни къадим сувар марфадин фестиваль я. Ам майдин вацра къейдзава.
. Лаосдин хуьрерин гзаф кIвалер дестекрал ала. И карди абур ци батмишуникай хуьзва.
. Девлетлуди туштIани, Лаос хатасуз уьлкве яз гьисабзава.
. Лаосдин кеферпата Кутаррин дере тIвар алай чка ава. Ана агъзурралди 3-6 метрдин кьакьанвал авай къванцин къапар ава. Пешекарри тестикьарнавайвал, абурун «яшар» 2000 йисав агакьнава. Абур гьи халкьди ва вуч паталди арадал гъанвайди ятIа, садазни чизвач.
«ЛГ»
