Культура ва искусство вилик тухунин агалкьунрай Гьукуматдин академический лайих­лу «Лезгинка» ансамблдин (и йикъара ада вичин 65 йисан юбилей къейдна)  кьилин дирижёр Шамиль Шерифалиеваз «Дагъустан Республикадин лайихлу артист» лагьай  гьуьндуьр тIвар ганва. Мубарак­рай! ЧIехи дережадин шабагь адав шадвилин гьалара «Лезгинка» ансамблдин 65 йисан юбилейдин мярекатдал РД-дин Кьил Сергей Меликова вахкана.

Камилан хва Шамиль Шерифалиев 1990-йисуз Ахцегьа­ дидедиз хьана. Ахцегьрин 1-нумрадин школа ва Рагьимат Гьажиевадин тIварунихъ галай ДМШ (тардин класс, муаллим — Низам Мирзоев), 2013-йисуз­ Махачкъаладин музучилище, 2018-йисуз Нальчикда­ музыкадин искусстводин рекьяй Кеферпа­тан Кавказдин инсти­тутдин (СКГИИ) ма­гист­рату­ра агалкьунралди акьал­тIарна.

РД-дин милли алат­рин оркестрдин солиствиле (тардай), вичи­ тешкилай милли­ музы­кадин «Макъам» ансамблдин художест­вен­ный руководителвиле кIва­лахна. «Лезгинка» ансамблдин руководитель тир адал — халкьарин арадин гзаф конкурсринни фестивалрин лауреатдал — эхиримжи вахтунда «Лезгинка» ансамблдин кьилин дирижервилин жавабдар къуллугъни ихтибарнава.

Д. Шерифалиев