Яру тегу
Яру тегу чурчулрин жинсиникай тир гьайван я. И жуьредин чурчулрин винел патан акунар шуьтруьвални къацувал какахьайбур, гьяркьуьвилихъди чIулав зулар фенвайбур я. Салями дулдурмадиз ухшар и чурчулдин ранг чIехи жердавай яру жеда. Тегуйрин бедендин яргъивал вини кьил 125 сантиметрдив агакьда, заланвал — 9 килограммдив.
Тегу чурчулар Кьиблепатан Америкада яшамиш жезва. Абуруз кьуру чкаяр хуш я. Адет яз, абур къумлухра ва къумлухриз ухшар чкайра гьалтда. И гьайванри кьуьд нек хъвадай гьайванрин тIеквенра, гагь-гагь тарарин хъалхъамра акъудда. Октябрдилай декабрдалди абуру активный уьмуьр кьиле тухуда, майдилай августдалди чпин тIеквенрай экъечIдач.
Парагвайда, Аргентинада ва Боливияда яру тегу чпел гуьзчивал тухузвай, хуьзвай гьайванрик акатзава.
Тегу гьар са затI недай гьайван я: куьлуь емишар, къушар, куьлуь гьайванар, маса жуьредин чурчулар неда. И чурчул инсандиз вичин хъел къалур тийидай, секин гьайван я. Гьавиляй адахъ галаз инсанривай къугъваз жеда.
«ЛГ»
