Индиядикай итижлу делилар
— Индияда 400-далай гзаф миллетар яшамиш жезва ва гьакьван чIаларни ава. Ам дуьньяда виридалайни гзаф чIалар кардик квай уьлкве я.
— Индиядин агьалийрикай саки пудай са пай, як ишлемиш тийиз, майваяр ва маса набататар незвайбур я.
— И уьлкведа кал пак гьайван яз гьисабзава. Гьавиляй калер шегьеррин куьчейра азаддаказ къекъвезва.
— Индияда виридалайни машгьур улакьар мотоциклиярни мопедар я. Чкадин агьалийрин фикирдалди, и улакьрин куьмекдалди гзаф инсанар авай куьчейра гьерекатдик хьун регьят я. Мадни, и улакьар маса гун-къачун регьят яз гьисабзава.
— Бязи чешмейри тестикьарзавайвал, Индияда 1,415 миллиард инсан яшамиш жезва.
— Индияда виридалайни машгьур чIал хинди я. Агьалийрин саки 40 процент и чIалан сагьибар я.
— Индиядин лап чIехи шегьеррик Мумбай, Дели, Бангалор, Калькутта, Ченнай, Ахмадабад, Хайдарабад ва масабур акатзава.
— Индиядин умуми майдан 3287263 квадратный километрдикай ибарат я.
— Индиядин агьалийри кIвалера гьамиша михьивал хуьда, амма куьчеяр гзаф вахтара чиркин жеда.
— Са йисан къене Индияда агъзурдалай виниз фильмаяр арадал гъизва.
— Индиядин агьалияр кьуьлер авунал, манияр тамамарунал гзаф рикI алайбур я.
— Индиядин календарда 6 вахт (сезон) ава: гатфар, гад, марфарин вахт, зул, кьуьд, фад алукьдай гатфар.
— ПIапIрусар хьиз, ичкини и уьлкведа анжах махсус туьквенрай маса гузва.
— Индияда кардик квай мискIинрин кьадар 300 агъзурдалай артух я. Бязи чешмейри тестикьарзавайвал, гьатта исламдин уьлквейрани икьван авач.
«Лезги газет»
