Рамбутан

Чими уьлквейра экъечIзавай ажайиб емишрикай сад рамбутан я. И емишдин ватан Азия яз гьисабзава. Амма абур Африкада, Центральный Америкада, Австралияда ва масанра гьалтда.

И сирлу емиш сифте сеферда акур инсан мягьтел же­да. Цацар алай векъи чкалдин къене хъуьтуьл ва тIям­лу затI ава. “Рамбутан” тIвар Малайзиядин “rambut” (“чIарар” лагьай чIал я) гафуникай арадал атанва.

Рамбутан хийирлу емиш я. Адак углеводар, ротеин, кальций, ракь, фосфор ва С витамин ква. И емишар­ 4-7 метрдин кьакьанвал алай тарарал экъечIзава. Бязи вахтара и тарарин кьакьанвал гьатта 25 метрдив агакьун мумкин я. Емишар 30-дав агакьна галгамар яз экъечIзава. Сифтедай абурун ранг къацуди, ахпа хъипивални туракьвал какахьайди ва гуьгъуьнлайни къати яруди жеда.

Пешекарри тестикьарзавайвал, рамбутандин тар, кIвалин набатат хьиз, кIвалени цаз жеда.

«Лезги газет»