Таиланддикай итижлу делилар
— Таиланд Азиядин уьлкве я. Камбоджадилай, Лаосдилай, Вьетнамдилай тафаватлу яз, ам Азиядин лап кесиббурун сиягьдик акатзавач.
— 1939-йисуз уьлкведин Сиам тIвар дегишарна, адал Таиланд эцигна. 1945-йисуз адал эвелан тIвар — Сиам — эхцигна. 1949-йисуз адакай мад Таиланд хъхьана. 9 йисан муддатда 3 сеферда тIвар дегишарай уьлкве мад дуьньяда авач.
— Таиланддин меркездин (Бангкок) официальный тIвар виридалайни яргъиди я лугьуз, Гиннессан рекордрин ктабдик кутунва. Таржума авурла, шегьердин тIвар 30-далайни гзаф гафарикай ибарат жезва.
— Виридуьньядин метеорологиядин тешкилатдин делилралди, Бангкок дуьньяда виридалайни чими гьава жедай шегьер я.
— Пхукет Таиланддин виридалайни еке остров я.
— Таиландда ЦIийи йис йисан къене пудра къейдзава: Европадин (1-январдиз), Китайдин (къейддай югъ чпин календардилай аслу я) ва Таиланддин (14-апрелдиз).
— 1913-йисалди гзаф тайвийрихъ фамилияр авачир, абуру анжах тIвар ишлемишзавай.
— Таиландда фил пак гьайван яз гьисабзава. Ина гьар са филдихъ медицинадин страховка ва 15 агъзур батдин кьадарда пенсия ава.
— Таиланддин островра пальмайрилай кьакьан дараматар эцигдай ихтиярар садазни авач.
— И уьлкведа 68 миллиондилай гзаф инсанар яшамиш жезва.
— Таиланддин умуми майдан 513120 квадратный километрдикай ибарат я.
— Дуьньядин уьлквейриз ракъурзавай гзаф ананасар Таиландда гьасилзава.
«Лезги газет»
