Хъиперикай итижлу делилар
— “Голиаф” тIвар алай хъипер виридалайни екебур я. Абурун заланвал 3 килограммдив агакьун мумкин я. И жуьрейривай 2,5-3 метрдин мензилдиз хкадариз жеда.
— Хъиперин анжах вини патан рекьвера сарар ава.
— Дуьньяда виридалайни гъвечIи хъипер Кубада яшамиш жезва. И жуьрейрин бедендин яргъивал 1 сантиметрдилай артух жедач.
— Тарцин хъипериз (жаба) сарар авач.
— Жаба-ага дуьньяда виридалайни зегьерлу къиб я.
— Хъипериз гьа са вахтунда вилик патани, винидихъни ва къваларихъни вуч кьиле физватIа аквада.
— Кьураматдин хъиперикай виридалайни зегьерлубур Кьиблепатан Америкадин кIачIичIлухра, тамара яшамиш жезвай кокоияр я.
— Японияда къиб агалкьунрин ярж яз гьисабзава.
— Мекьи чкайра хъипер хъуьтIуьн вахтунда вирерин кIанера, лилдиз гьахьна, члада жезва.
— Вирера жедай хъипери неинки гьашаратар, гьакI бязи кIезриярни незва.
— Бязи хъиперин як США-да, Францияда ва маса уьлквейра недай кьетIен ем яз гьисабзава.
— Чпин жуьрейрилай аслу яз, хъипер 15-36 йисуз кьван яшамиш жезва.
«Лезги газет»
