Осьминогдикай итижлу делилар
Осьминогар, винел патан акунриз, бязи кьетIенвилериз килигна, аламатдин гьайванар я.
— Осьминогар тропикрин ва субтропикрин гьуьлерани океанра яшамиш жезва.
— Осьминогдин мефтI элкъвей, къен буш тIунутIдиз ухшар я.
— И гьайванрин жуьреяр саки 300-дав агакьнава.
— Осьминогрин чIехи пай жуьреяр инсанар патал зарар авачирбур я.
— Осьминогри жабрийрай нефес къачузва, амма кьураматдални яргъал вахтунда акъвазиз жеда.
— Осьминогдиз пуд рикI ава.
— Хамунал вили рангунин элкъвей тIехвер алай осьминог инсан патал хаталу я. Ихьтин осьминогди кIасай инсандивай вад декьикьадилай са затIни туькьуьниз хъжедач, сятни зур алатайла, нефес кьуна, инсан рекьида. И жуьредин осьминогар лап гъвечIибур ятIани (яргъивал 4-5 сантиметр, заланвал — 100 грамм), абур виридалайни хаталубур яз гьисабзава.
— Адет яз, и гьайванар шуьтруь рангунинбур я. Абурувай чпин ранг дегишаризни жезва. Месела, эгер осьминогдик кичI акатайтIа, ам лацу жеда, хъел акатайтIа — яру.
— Тарихда инсанри кьур осьминогрикай виридалайни екедан заланвал 180 килограмм тир, яргъивал — 8 метрдилай артух. Ам США-да 1945-йисуз кьуна.
— Абурун иви аби рангунинди я.
— Юкьван тар авачир гьайванрикай виридалайни акьуллуди осьминог яз гьисабзава.
— Юкьван гьисабдалди осьминогар 1-2 йисуз яшамиш жезва. Тек-туьк дуьшуьшра абурун уьмуьр кьуд йисал кьван давам жеда.
- Осьминогриз це душманарни тIимил авач: нахаяр, тюленар, гьуьлуьн асланар, касаткаяр…
— И вагьшийрин тIуьн асул гьисабдай кIезрийрикай, пахлаханрикай ва лангустрикай ибарат я.
«Лезги газет»
