Итижлу делилар
— ЦIайлапан галукьайла, инсандин хамуниз 25 агъзур градусдив агакьна ифин акъатзава.
— Гавайидин алфавитда авайди вири 12 гьарф я (A, E, I, O, U, H, K, I, M, N, P, W).
— ЦIай кутун патал ишлемишдай зажигалка кирбитдилай (спички) 10 йисан вилик арадал гъанвай.
— КIвалахзавай кабинетда регьятдаказ инихъ-анихъ гьерекат ийиз хьун патал ацукьдай креслодик чархар кутунин фикир сифте яз Чарлз Дарвинан кьилиз атана.
— Инсаниятдин тарихда гзафни-гзаф маса къачузвай метягьрик iPhone, Гарри Поттердикай ктабар ва Рубикан кубикар акатзава.
— Инсандин беденда яшамиш жезвай микробрикай 99 процент гьеле илимдиз малум туш.
— Юкьван гьисабдалди, виридалайни аскIан буйдин инсанар — японвияр, виридалайни кьакьан буйдинбур голландвияр я.
— Англиядин агьалийри америкавийрилай 20 сеферда гзаф чай хъвазва.
— Инсан гьикьван гзаф къанажагълу ятIа, гьакьван гзаф адан чIарарик цурни цинк ква.
— 1-3 вацран яшда авай чагъа аялар накъвар галачиз шехьзава.
— Чилел алай инсанрикай кьудай са пай Китайда яшамиш жезва.
— Аби рангунин вилер авай инсанриз мичIи чкада хъсандиз аквада.
— Шоколаддин гьар са плиткадик, юкьван гьисабдалди, гьашаратрин беденрин муьжуьд кIус ква.
— Инсандин беденда виридалайни гзаф ишлемишзавай жалгъа рекъвер я.
— Чи планетада авай вири къизилрикай 99 процент чилин рикIе (ядро) ава.
— Юкьван гьисабдалди инсанди вичин вири уьмуьрда вад йис кьван вахт тIуьниз серфзава.
— Дуьньяда виридалайни гегьеншдиз чкIанвай тIвар Мугьаммад я.
— Юкьван гьисабдалди инсанди са юкъуз 18 агъзур кьван къадамар къачузва.
«Лезги газет»
