Пеленгрикай итижлу делилар

—           Островра яшамиш жезвай пеленгар материкра яшамиш жезвайбурулай еке я.

—           Юкьван гьисабдалди йикъа чIехи пеленгди 7-9 килограмм як тIуьн лазим я, йисан къене — 2,5-3 тонн. Им асландиз йиса  герекзавайдалай кьве сеферда артух я.

—           Пеленгри чпин мулкарал лишанар тада. Адет яз, абуру тарарал кьацIар ийида, накьв ва я жив ­чалда.

—           Пеленгдин неинки чIарарал, гьакI хамунални гъвечIи маргъвар ала.

—           Пеленгар гзафни-гзаф экуьнахъ ва нянрихъ гьерекатрик жеда. Йикъан вахт абуру ял ягъуниз серфзава.

—           Пеленгриз цихъай кичIе туш, абурулай хъсандиз сирнавиз алакьзава. Гзаф чими йикъара абур чарасуздаказ циз гьахьзава.

—           Пеленгрин вилик квай тапасрал 5 тIуб ала, кьулухъанбурал — 4.

—           Абурун къармахрин яргъивал 10 сантиметрдив агакьда.

—           Пеленгдивай 6 метрдин мензилдиз хкадариз жеда, кьакьанвилихъ — 5 метрдиз.

—           Пеленгар тIебиатда 26 йисуз кьван яшамиш жезва.

—           ЯкIалай гъейри, пеленгри бязи емишарни неда.

—           Са бязи чешмейра кхьенвайвал, алай вахтунда тIебиатда 3500 пеленг ама. Амма гьакьванбур азадвиле авачиз яшамиш жезва. Гзафни-гзаф абур Китайда, США-да хуьзва.

«Лезги газет»