Шуьшедикай
Инсаниятди къадим чIаварилай ишлемишзавай гьар са затI, гьа жергедай яз шуьше арадал атунихъ галаз алакъалу делиларни вирибуруз итижлу жеда. ТIебии жуьреда арадал гъанвай шуьше гьеле къванцин асирда малум тир. А чIавуз лап кьит тир шуьшедикай маса затIар атIудай алатдин еринда менфят къачузвай.
Археологиядин чешмейри шагьидвалзавайвал, искусственный къайдада шуьше сифте яз Сирияда, Месопотамияда ва я къадим Египетда туькIуьрна. Интернетдин “Википедия” энциклопедиядин делилрал асаслу яз, шуьшедикай туькIуьрнавай лап къадим девирдин затIар гзафни-гзаф Египетдай жагъанва.
Лап къадим заманайра шуьшедикай авунвай затIар чи девирдал къведалди вилик хьайи 3 агъзур лагьай йисарихъ галаз алакъалу ийизва.
Буьруьнждин асирда Египетда ва Азияда шуьше арадал гъунин кIвалах йигиндиз виликди фена. Юкьван асирра шуьшедикай къаб-къажах арадал гъунин карда гегьеншдиз хийир къачуз гатIунна. (Шикилда: чи девирдилай вилик квай II асирда туькIуьрнавай шуьшедин къаб).
«Лезги газет»