* * *
Юкьван гьисабдалди, инсандин мефтIедин заланвал 1,3 килограммдиз барабар, беден лагьайтIа, 639 жакIумдикай ибарат я.
* * *
Къадим Китайда тахсиркарриз, ахварикай магьрум авуналди, кьиникьин жаза гузвай. Тарихдай малум тирвал, Франциядин пачагь XV Людовикан чандиз къаст ийиз алахъай инсандиз, ахварикай магьрум авуналди, кьиникьин жаза ганай.
* * *
Къадим Индияда ички хъун жемятдин вири къатариз къадагъа авунвай. Пияндиз акур инсанрив цIурурнавай гимиш, кьуркьушум ва цур хъваз тазвай.
* * *
ЦIайлапанди ягъунин нетижада виридалайни гзаф инсанар Индияда рекьизва. Мисал яз, тек са 1991-йисуз и уьлкведа 1506 кас цIайлапанди яна кьена.
1975-йисан 23-декабрдиз Зимбабведа цIайлапанрин “лужуник” акатай лежберрин къазмада санал 21 кас телеф хьанай.
* * *
Тарихдай малум тирвал, Къадим Римда инсанар юкьван гьисабдалди 23 йисалай артух тушиз яшамиш жезвай. Гьеле XIX асирда Америкада инсандин уьмуьр 40 йисалай гзаф тушир. Дегь чIаварилай тафаватлу яз, чи девирда инсанар яргъалди яшамиш жезва. Мисал яз, Великобританияда итимрин уьмуьрдин яргъивал 71, дишегьлийрин — 77, Японияда итимрин — 75, дишегьлийрин 81 йисаз барабар я.
* * *
Инсаниятдин кьуд процент члахъар я.
Чи корр.
