Эритреядикай итижлу делилар

Эритрея рагъэкъечIдай патан Африкадин кесиб уьлквейрикай сад я. Неинки экономикадин, гьакI сиясатдин гьаларни ана пайгар туш. Уьлкве ООН-дин ислягьвал хуьдай къуватрин гуьзчивилик ква. Ингье Эритреядикай са бязи делилар.

. И уьлкведа 6 миллиондилай гзаф инсанар яшамиш жезва.

. Анин меркез Асмэра я.

. Эритреядин умуми майдан 117600 квадратный километрдикай ибарат я.

. Эритреяда 2015-2021-йисара Рос­сия­дин Федерациядин патай чрезвычай­ный ва полномочный векил яз Азим Ярагьмедова (кьасумхуьруьнви) кIвалахна.

. Алай вахтунда Эритрея алай мулкар 19-асирдин эхирра итальянвийри сифте яз колониядиз элкъуьрнай.

. Эритреядихъ официальный чIал авач. Асулбурук араб, тигринья ва ингилис чIа­лар акатзава.

. 20-асирдин юкьвара Эритрея Эфиопиядин паюниз элкъвенвай, идан нетижада са шумуд йисалай аслу туширвилин дяведик цIай акатна. Аслу туширвал патал чIугур дяве 30 йисуз давам хьана.

. 1995-йисуз Эритреяди Йемендихъ галаз дяве авуна, 1998-йисуз — мад Эфио­пиядихъ галаз. Кьве дяведани Эритрея магълуб хьана.

. Эритреядин мулкарин чIехи пай вул­канди цIай квай палчух гадарунин къурхудик ква.

. И уьлкведин милли пул накфа я.

. Анин агьалийрин чIехи пай хъвадай михьи целди таъмин туш.

. Гьар йисуз цицIери Эритреядин хуьруьн майишатдиз еке зиянар гузва.

. Асмэрада А.С.Пушкинан памятник ава.

. Эритреяда мусурманарни хашпараяр саки са кьадарда ава.

. И уьлкведа ишлемишзавай недай саки вири суьрсетар маса уьлквейрай маса къачузва.

«Лезги газет»