Къурушви Даир Сафаров РФ-дин Президентдин Указдалди,

кьвед лагьай сеферда «Жуьрэтлувиляй» ордендиз лайихлу хьана

Украинада кьиле физвай махсус серенжемда кьегьалвилелди иштиракзавай дагъустанвияр гзаф ава. Абурукай сад Хасавюрт райондин Къурушрин хуьряй тир Даир Хужабубаевич Сафаров я.

Алай вахтунда ада Луганскдин Халкьдин Республикадин прокуратурада управленидин начальникдин заместителдин ва гьа са вахтунда отделдин начальникдин везифаяр тамамарзава.

Мукьвара, Урусатдин йикъан суварин къаршида, намуслувилелди Ватандиз къуллугъ авунай ва ихтибарнавай везифайрив жавабдарвилелди эгечIунай Даир Сафароваз РФ-дин Президентдин Указдалди, «Жуьрэтлувиляй» орден гана.

Къейд ийин хьи, юстициядин советник тир Д.Сафаров ихьтин ордендиз виликдайни – Дагъус­тандин МВД-дин органра къуллугъзавай йисарани – лайихлу хьанай.

Даир Сафароваз­ кьвед лагьай сеферда «Жуьрэтлувиляй»­ орден гун му­барак­за­вай. Абурун­ жер­гейра­, гьел­­бетда­, адан хуь­руьнвиярни­ ава. Кьилди къа­чур­тIа, Къизилюрт шегьерда яшамиш жезвай, кьиле хейлин йисара и шегьердин мэр­­дин заместитель яз кIвалахай Седредин Жафаров авай къурушвийрин дестедини чпин кьегьал хуьруьнвидин агалкьунрал дамахзава­, адахъ чандин сагъвал ва мадни еке агалкьунар хьун алхишзава.

Агьмед Магьмудов