2022-йис патал хайи чIалал акъатзавай газет кхьинин сергьятра аваз «Лезги газет» — гьар са кIвализ» серенжем малумарнавайдакай чна виликдай хабар ганай. ЦIи и кардик къуьн кутур сад лагьай кас Абдулбеган хва Васиф Гьасанов я.
Васиф Гьасанов яргъал тир Ярославль шегьерда лезгивал, чи чIални меденият хуьзвай стхайрикай сад я. Ина дагъустанвийрин иштираквал аваз кьиле физвай гьар са мярекатдик адан чIехи пай ква. Идалай гъейри, чи ватанэгьлиди лезги халкьдин жемиятдин уьмуьрдани иштиракзава.
«Лезги газет» — гьар са кIвализ» серенжемдик вичин пай кутуналди, Васиф Гьасанова Докъузпара райондин Вини Къурушрин хуьревай вири агьалийриз (92 хизандиз) 2022-йис патал хайи газет кхьенва. 81 агъзур манатдин кьадарда аваз пулдин такьатар ада чи редакциядив агакьарна.
«Лезги газетдин» редакцияди Васиф Абдулбеговичаз лезги чIал хуьник еке пай кутунай сагърай лугьузва ва адахъ кIвалахдин рекье мадни еке агалкьунар хьана кIанзава!
«Лезги газет»
