Етим хьанвай ва диде-бубадин къаюмвилик кумачир аялриз куьмекар гунай Ахцегь райондин кьил Осман Абдулкеримовни Ахцегьрин ЦРБ-дин кьилин духтур Митгьадин Мурсалов жемиятдин «Къени гъилер» премиядиз (общественная премия «Добрые руки») лайихлу хьанва. Идакай муниципалитетдин администрациядин пресс-къуллугъди хабар гузва.

* * *

Саки 5 вацран къене гзафбуру СтIал Сулейманан райондай тир гъвечIи аял Абдуллагь Шихмегьамедоваз пул кIватIзавай. КIарабдин мефтIедин азар (первичный иммунодефицит: ХГБ-хроническая гранулематозная болезнь) аваз, датIана дарманрал алай адаз Израилда операция авун патал 20 миллион манат пул герекзавай.

Шукур Аллагьдиз, мергьяматлу инсанрин куьмекдалди пул­дин герек кьадар кIватI хьанва. Гила Абдуллагь вичин диде-бу­бадихъ галаз, сагъламвал мягькемар хъийиз, къецепатан уьлкведиз фида. Аллагь куьмек хьурай!

Аялдиз пул кIватIунин карда иштиракай гьар садаз Абдуллагьан диде-бубади сагърай лугьузва.

* * *

Кьурагь районда цIи 6 аялди юкьван мектебар медалралди акьалтIарнава. Абурукай сад — КIи­рийрин спортдин школа-интернатдай, сад — Кумухърин юкьван мектебдай ва кьуд аял Кьурагьрин 1-нумрадин юкьван мектебдай я.

Къейд ийин хьи, шаз районда юкьван мектебар медалралди 10 аялди акьалтIарнай.

* * *

“Медениятдинни марифатдин Алкьвадар Гьасанан тIвару­нихъ галай центр” АНО-дин коллективди ватанэгьлийриз алукьзавай Къурбанд сувар мубаракзава. “Къуй суварин юкъуз ийизвай къурбандар, гузвай садакьа­яр Аллагьди кьабулрай. Гьар са­дан кIвале берекат, рикIени иман артух хьурай”, — къейднава центрадин тебрикдин чарче.

Чи мухбир