14-мартдиз Сулейман-Стальский райондин ЦIийихуьруьн СОШ-да гиряяр хкажунин рекьяй спортдай райондин кIвенкIвечивал къазанмишун патал акъажунар кьиле фена. Райондин образованидин управленидихъ (РУО) галаз санал и серенжем тешкилнавайди райадминистрациядин физический культурадин, спортдин, туризмдин ва жегьилрин крарин рекьяй комитет тир.
Акъажунар ачухуниз талукьарнавай мярекатда РУО-дин начальник Гьуьсейн Шихбабаева, ЦIийихуьруьн СОШ-дин директор Бег Ягъибегова, Дагъустандин гиряйрин спортдай федерациядин президент Магелан Саидова ва масабуру иштиракна.
Итижлудаказ ва хъсан гьазурвал аваз кьиле фейи акъажунра кIвенкIвечи чкаяр кьур спортсменриз пулдин премияр, медалар ва грамотаяр гана.
Арина Селимова
