Мубаракрай!
Дагъустандин Кьил Сергей Меликован 2022-йисан 28-мартдиз акъуднавай Указадалди, А.А.Тахо-Годидин тIварунихъ галай педагогикадин илимдинни ахтармишунрин институтдин илимдин кьилин къуллугъчи, Урусатдин писателрин Союздин член Къурбан Халикьович Акимоваз Дагъустан Республикадин халкьдин писатель лагьай гьуьрметдин тIвар ганва.
Гьаким Къурбан. Лезги халкьдин машгьур писатель, алим, тарихчи, публицист… Лезги литературада ам, асул гьисабдай, гьикаятчи яз машгьур я. Гьаким Къурбанан къелемдикай гьикаятдин жуьреба-жуьре жанрайра кхьенвай хейлин эсерар хкатнава. Абурун арада романри кьетIен чка кьазва.
“Лезги газетдин” редакциядин коллективди чи къелемдин дуст, вафалу амадаг, чIехи ватанперес Къурбан Халикьовичаз Дагъустандин халкьдин писателдин тIвар мубаракзава ва адахъ чандин сагъвал, яргъи уьмуьр, яратмишунрин рекье мадни еке агалкьунар хьун алхишзава.
«Лезги газет»
