(Эвел — 16, 18-19, 26, 32, 38-39-нумрайра)

Эхиримжи “аттагьиятдилай” гуьгъуьниз салам гудалди кIелдай дуьаяр

Я Аллагь, Ваз “гъайб” чизвайвиляй (Ви а чирвилелди) ва Ви къудратлувиляй (вири) халкьнавай затIарин винел — чан алаз тур зун Ваз чизмай кьван уьмуьр (чан аламукьун) заз хийирлу тирди, вафат агакьара зав (рекьидайвал ая зун, чан вахчу зи) Ваз чир хьайила кьиникь заз хийир тирди. Я Аллагь, дугъриданни, за Вавай тIалабзава, Вакай ки­чIевал хьун — чинеба гьалдани, ачух гьалдани, тIалаб­зава за Вавай (за) гьахъ келима (лугьун) рази гьалдани, гъазаблу (ажугълу) гьалдани, за тIалабзава Вавай уртабабвал (юкьван гьал) кесибвилени, девлетлувилени, тIалабзава Вавай зурба нямет акьалтI тийидай (эхир авачир — Женнетда). За тIалабзава Вавай “вилерин шадвилер” (сувабар, няметар, лезетар, хушвилер) акьалтI тийидай, за тIалабзава Вавай разивал (Ви) къаза-кьадардилай гуьгъуьниз (ам кьилел атайдалай кьулухъни), тIалаб­зава за Вавай регьят (хуш) уьмуьр кьиникьилай (ажалдилай) кьулухъ, тIа­лабзава за Вавай Ви Чиниз килигунин лезет (Вун акунин кефият) ва шавкьлувал (тамарзувал) Вахъ галаз гуьруьшмиш хьуниз — зарарлу бедбахтвилер галачиз ва ягъалмишвиле твадай фитне (имтигьан) галачиз. Я Аллагь, гуьрчегара (безетмиша) чун имандин гуьрчегвилелди (зинетдалди), ая Вуна чун — дуьз рекье авайбур яз (масабурни) дуьз рекьел­ гъизвайбур яз!  (Насаъий).

Аллагьумма инни асъалука я Аллагь бианнака альвахIидуль ахIаду ссамад аллязи лам ялид валам юлад валам якуллагьу куфуван ахIад, ан тагъфира ли зу­нуби иннака анталь гъафуру рра­хIим. 

Я Аллагь, дугъриданни, за Вавай тIа­лаб­зава. Я Аллагь, гьакъикъатда Вун: Сад Тирди, Тек Сад Тирди, Лап Тамамди Тирди — Вичиз вири муьгьтеж тир, Вичи садни аладнавачир ва Вични (масада) аладнавачир (Вичиз я велед, я буба, я паб авачир), Вичиз барабарди (ва ухшарди) садни тахьайди — Вуна заз багъишламишун зи гунагьар. Дугъриданни, Вун Багъишламишдайди, Регьимлуди я эхир!  (На­саъий).

Аллагьумма инни асъалука бианна лакаль хIамда, лаилагьа илла анта вахI­дака ла шарика лака, альманнану, я бадигIа ссамавати валь арзи я заль жалали валь икрам, я хIаййу я къаййуму инни асъалукаль жанната ва агIузу бика мина ннар.  

Я Аллагь, дугъриданни, за Вавай тIа­лабзава: гьакъикъатда Ваз вири гьямд талукь я, авач илагьи ибадатдиз лайихлу тир Валай гъейри, Вун тек сад я, авач Ваз ше­рик, (Гзаф) Няметар багъишдайди я. Я цавар ва чил халкь Авурди, я чIе­хи­вилин ва захавилин Сагьиб (Зуль-Жалал вал-Икрам), я Гьамиша Чан Алайди (ва) Вири Кьи­ле Тухузвайди, дугъриданни, за тIа­лабзава Вавай Женнет, тIа­лабзава зун ЦIукай хуьн  (Ибн Мажагь).

Аллагьумма инни асъалука бианни аш­гьаду аннака анта ллагьу лаилагьа илла ан­та, аль ахIаду ссамаду аллязи лам ялид валам юлад валам якуллагьу куфуван ахIад.

Я Аллагь, за тIалабзава Вавай, дугъриданни, за шагьидвалзавайвиляй, гьа­къи­къатда Вун Аллагь тирди, авач илагьи ибадатдиз лайихлу тир Валай гъейри, Вун Тек Сад я, Лап Тамамди — Вичиз вири муьгьтеж тир, Вичи садни аладнавачир, Вични (масада) аладнавачир, садни Вичиз барабар (ва ухшарди) тахьайди! (Абу Давуд).

 (КьатI ама)

Гьазурайди — Ямин  Мегьамедов, диндин алим