(Эвел -16, 18-19-нумрайра)

Дастамаз къачурдалай кьулухъ кIел­дай дуьа

Аллагьумма ижгIальни мина-ттаввабина важгIальни миналь мутатIа­гьгьи­рина.    

Я Аллагь, Вуна зун туба ийизвайбурукайни михьивал ийизвайбурукай ая (Тирмизий).

СубхIанака ллагьумма ва бихIамдика, ашгьаду алла илагьа илла анта, астагъфирука ва атубу илайка. 

Вун пак я, я Аллагь, Ваз гьямд хьуй, за шагьидвалзава: авач илагьи ибадатдиз лайихлу тир Валай гъейри, за астагъфирзава Ваз ва за Ваз туба ийизва (Насаъий).

КIваляй экъечIдайла, кIелдай дуьа

Бисмиллагь таваккальту гIала ллагьи вала хIавла вала къуввата илла биллагь. 

Аллагьдин тIварцIелди. За Аллагьдал ”таваккул” (упование) авунва, авач я гуж, я къуват садазни — ам анжах Аллагьдин патай я (Абу Давуд).

Аллагьумма инни агIузу бика ан адзилла, ав удзалла, ав азилла ав узалла, ав азлима ав узлама, ав ажгьала ав южгьала гIалаййа.

Я Аллагь, гьакъикъатда за Вавай тIа­лабзава зун хуьн: за ягъалмишвал авуникай (дуьз рекьяй акъатуникай) ва я зун (ма­сада) ягъалмишвиле туникай (дуьз ре­кьяй акъудуникай), за гъалатI (гунагь) авуникай, жував (масада) гъа­латI (гунагь) ийиз туникай, жува зулум авуникай, жуваз (масада) зулум авуникай, за авам кар авуникай ва я (масада) заз авамвал (эдебсузвал) авуникай (Тирмизий).

КIвализ гьахьдайла, кIелдай дуьа

Бисмиллагьи валажна ва бисмиллагьи харажна ва гIалаллагьи Раббина таваккальна.

Аллагьдин тIварцIелди чун гьахьна, Аллагьдин тIварцIелди чун экъечIна, чи Рабби тир Аллагьдал чна ”таваккул” (упование) авунва. Ахпа къуй ада салам гурай (кIвалин) агьалийриз (Абу Давуд).

Маса сагьигь гьадисда лагьанва (мана): ”Са инсан (итим) кIвализ гьахьдайла, гьахьдалди вилик, недалди вилик ада Аллагьдин тIвар мецел гъайитIа, шейтIанди луг­ьуда (муькуь шейтIанриз): квез (къе) я йифдай­ чка, я нянин тIуьнни авач” (Муслим).

Азан ядайла (кIелдайла), лугьудай дуьаяр

Ада (азандин ван къвезвай касди) муаззиндихъ (азан кIелзавайди) галаз ада лугьузвай гафар тикрарда, анжах “гьаййа гьала ссалагь” (гьереката кпIуниз — таржума) ва “гьаййа ггалаль-фалагь” (гьереката агалкьунриз) гафар квачиз. Абурун чкадал и гафар лугьун герек я: “Ля хIавла ва ля къуввата илля биллягь” (авач гуж ва авач къуват, ам анжах Аллагьдин патай я) (Бухарий, Муслим).

Ада (гьакIни) муаззиндин “шагьадатрин” келимайрилай гуьгъуьниз икI лагьана кIан­да: “Ва ана ашгьаду ан ла илагьа иллалагьу вахIдагьу ла шарика лагьу, ва ан­на МухIаммадан гIабдугьу ва расу­лугьу, разиту биллагьи раббан, ва би ­Му­хIаммадин расулан, вабиль ислами ­динан”.

Гьазурайди — диндин алим Ямин Мегьамедов

(КьатI ама)