Кьурагь райондин аялрин бахчайра Вирихалкьарин аялар хуьнин йикъаз бахшнавай шад мярекатар кьиле фена.
«Умуддин хважамжам» тlвар алай кьилин мярекат «Медениятдин, информациядин ва печатдин центр» МБУ-да кьиле фена. Райондин медениятдин кlвалин дегьлиз бахчайра чирвилер ва тербия къачузвай аялрин яратмишунралди безетмишнавай.
Залда кlватl хьанвайбурухъ элкъвена мярекат кьиле тухвай 10-класдин ученицади аялриз ва абурун диде-бубайриз тебрикдин гафар лагьана.
«Солнышко» бахчадин аялри тамамарай жуьреба-жуьре кьуьлер вирибуруз хуш хьана.
Къейд ийин, аялрин шад мярекатда общественный хатасузвилин рекьяй райондин кьилин заместитель Альберт Исаева, райондин общественный палатадин председатель Фахрудин Мирзоева, ФС-дин ва ДМ-дин отделдин начальник Рамиз Рамазанова ва масабуру иштиракна.
Йикъан сятдин 3-даз Кьурагь райондин Россиядин халкьарин адетдин медениятдин маканда райондин искусстводин мектебда кlелзавайбурун нетижадин концерт кьиле фена.
Искусстводин мектебдин директор Магьарам Къазиева ирид выпускникдив мектеб агалкьунралди куьтягьнавайдан гьакъиндай тир шагьадатнамаяр вахкана.
«Лезги газет»
