И йикъара «Кьурагь район» МР-дин Кьилин кабинетда райондин мектебра тафаватлудаказ кlелай выпускникрив «Кlелунра кьетlен агалкьунрай» медалар шад гьалара вахкунин мярекат кьиле фена. И гьакъиндай «Лезги газетдиз» райондин администрациядин пресс-къуллугъди хабар гузва.

Малум хьайивал, 2018-йисуз Кьурагь районда 11 выпускникди кьетlен жуьредин аттестатар къачуна. Медалар шад гьалара вахкунин мярекатда райондин Кьил Замир Азизова, райондин общественный палатадин председатель Фахрудин Мирзоева, райондин кьилин заместителар тир Махач Хариева ва Жаврудин Халикьова, школайрин директорри, выпускникрин диде-бубайри, СМИ-дин векилри ва, гьелбетда, тафаватлудаказ мектеб куьтягьайбуру иштиракна.

Медалар вахкунин мярекат райондин УО-дин начальник Рамазан Катибова ачухна. Ада кlелунра тафаватлу хьайи выпускникрин агалкьунар къейдна.

Яру аттестат къачур выпускникар райондин регьбер Замир Азизовани тебрикна ва гележегдани агалкьунар алхишна.

«Лезги газет»