Дагъустан Республикадин Халкьдин Собранидин аппаратдин информациядинни аналитикадин отделдин начальник Уллубий Эрболатов къуллугъдикай азадна. Ада социальный сетра государстводин властдин органрин кIвалахдиз ва са бязи руководителриз кутуг тавур жуьредин къиметар гана. Идан гьакъиндай региондин парламентдин сайтда хабар гузва.
“Эрболатова социальный сетра авай вичин чина государстводин властдин органрин кIвалахдиз ва са бязи руководителриз герексуз къиметар гана. Гьа идалди ада “РФ-дин государстводин гражданвилин къуллугъдин гьакъиндай” Федеральный закондин сад лагьай статьядин 10-пунктунин истемишунар кваз кьунач”, — лугьузва РД-дин Халкьдин Собранидин сайтда эцигнавай малуматда.
Къейд ийизвайвал, РД-дин Халкьдин Собранидин аппаратдин руководителдин приказдалди, Эрболатован гьакъиндай ахтармишунар кьиле тухузва. Ам вахтуналди къуллугъдикайни азаднава.
Ахтармишунрин нетижайриз килигна, информациядинни аналитикадин отделдин начальник вич алай къуллугъдикай михьиз азад авунин месэладиз килигда.
«Лезги газет»
