Дагъустандин къайдаяр хуьдай органрин чешмеди ТАСС-диз хабар гайивал, алай йисан 4-декабрдиз квахьай РД-дин Кьилин ва Гьукуматдин Администрациядин руководителдин стха Виталий Гьасанован мейит ам яшамиш жезвай поселокдай жагъанва.
“Кривая Балка” поселокдин мулкуна квахьнавай и касдихъ къекъведайла, гьа инай адан мейит жагъана. Чешмедихъ авай делилралди, адан хурудал чукIулди янавай гел алай. Алай вахтунда кечмиш хьунин себеб чирзава.
Къейд авун лазим я хьи, МВД-дин органрин векилри алай вахтунда и дуьшуьшдин гьакъиндай ахтармишунар кьиле тухузва. Уголовный дело къарагъарунин месэла гьялзава.
РД-дин Кьилин ва Гьукуматдин Администрациядин коллективди и идарадин руководитель Алексей Гьасановаз, стха рагьметдиз финихъ галаз алакъалу яз, башсагълугъвал гана.
“Лезги газетдин” редакциядин коллективдини Алексей Гьасановаз башсагълугъвал гузва.
«Лезги газет»
