Дагъустандиз Кеферпатан Кавказдин федеральный округда РФ-дин Президентдин патай тамам ихтиярар ганвай Векил Олег Белавенцев мугьманвилиз атана. Ада 21-ноябрдиз республикадин руководство регионда цIийи кьилин федеральный инспектор Алексей Горловахъ галаз танишарна.
Алексей Горлов 1960-йисан 7-февралдиз Азербайжан ССР-дин Баку шегьерда дидедиз хьана. 1988-йисуз ада “Промышленный электронника” пешедай Азербайжандин политехнический институт акьалтIарна;
1977-йисалай 1981-йисалди ам Севастополь шегьерда аскервилин къуллугъдал хьана;
1981-йисалай 1988-йисалди Каспий гьуьлуьн пароходстводин радиоцентрадин электромонтервиле кIвалахна;
1988-йисалай 1991-йисалди Азербайжан ССР-дин КГБ-да инженер яз зегьмет чIугуна;
1991-йисалай 1993-йисалди ам Азербайжан Республикадин МНБ-дин аскервилин къуллугъчи тир;
1993-йисалай 2017-йисалди хатасузвилин федеральный къуллугъдин органра военный къуллугъдал хьана.
Эвленмиш хьанва, кьве велед тербияламишзава.
РикIел хкин, 2010-йисалай Дагъустан Республикада кьилин федеральный инспекторвиле Василий Колесникова кIвалахзавай.
«Лезги Газет»
