РФ-дин рекъемрин, алакъадин ва массовый коммуникацийрин министерстводи МФЦ-дин идарайриз ватандашрин чарчин документрин электронный копияр тестикьардай ихтияр гузвай гьукуматдин къарар арадал гъанва. Идан гьакъиндай чаз Махачкъалада кардик квай Дагъустан Республикадин кьилин МФЦ-дин идаради хабар гана.

Алай вахтунда къарардин проект жемиятди веревирд авун патал чапнава. Къейдзавайвал, са гьи ятIани госкъуллугъ герек хьана, МФЦ-диз фейи агьалидиз анин къуллугъчийри чпив вугузвай документрин электронный вариантар арадал гъун теклифда.

ИкI, винидихъ тIвар кьунвай министерстводи­ гъа­­­вурдик кутазвайвал, гележегда документар эвез ийизвай копияр госкъуллугърин порталда кардик квай агьа­лидин “хсуси кабинетда” гьамиша аквадайвал жеда.

Проектда копияр гьазурун герек тир документрикай ихьтинбур къалурнава: паспорт, РФ-дин ватандашдин загранпаспорт, ЗАГС-дин шагьадатна­ма, образова­нидин, пешекарвилин гьакъиндай доку­мент, военный билет, зегьметдиз талукь документ ва бязи масабур.

Электронный копияр арадал гъайидалай кьулухъ агьалиди гележегда вичин документар-оригиналар гьукумдин органриз, МФЦ-диз тухунин лазимвал амукьдач. Инсанар патал им хъсан къулайвал я.

«Лезги газет»