И йикъара Уллугъетягъ хуьруьн ктабханада хайи чIалан йикъаз талукьарнавай мярекат кьиле фена. Идакай «Лезги газетдиз» райадминистрациядин пресс-къуллугъди хабар гузва.
Ктабханадин кIелчийриз хайи чIал хуьнин важиблувиликай ихтилатарунин макьсаддалди тешкилай мярекатда шаирар тир Диана Эмиргьамзаевади, Зуьгьре Агъарзаевади, Фариза Тажибовади ва Уллугъетягърин мектебда кIелзавай аялри иштиракна.
Мярекат ачухай ктабханадин заведующий Таиса Шабановади кIватI хьанвайбуруз хайи чIалан къешенгвиликайни девлетлувиликай, уьмуьрда адан метлеблувиликай итижлу ихтилатар авуна.
Шаир Диана Эмиргьамзаевади вичин шиирар кIелна, аялриз лезги халкьдин машгьур шаиррикайни писателрикай ихтилатна. Гуьгъуьнлай иштиракай вири аялри хайи чIалал устадвилелди шиирар кIелна.
«Лезги газет»
