РД-дин Роспотребнадзордин делилралди, 10-июндиз Дагъустанда коронавирус акатнавайбурун кьадар 6175-дав агакьнавай. Гьа са вахтунда духтуррилай начагъ хьанвай 4636 кас сагъар хъийиз алакьнава. Санлай къачурла, республикада 106018 кас ахтармишнава. 7480 кас лагьайтIа, амайбурукай чара авуна (изоляция), кIвалера ава.
Дагъустанда коронавирусди 309 кас кьенва. Кьиблепатан Дагъустандин шегьеррани районра коронавирус акатнавайбурун кьадаррикай рахайтIа, рекъемар ихьтинбур я: Дербент — 124, Дагъустандин Огни — 40, Дербент район — 58, Табасаран район — 64, Мегьарамдхуьруьн район — 20, Докъузпара район — 2, Ахцегь район — 27, Рутул район — 27, Сулейман-Стальский район — 87, Хив район — 40, Агъул район — 41, Кьурагь район — 31. И делилар 9-июндиз Дагъустандин Роспотребнадзордин Управлениди раижна.
«Лезги газет»
